Draumaland - frá fæðingu til sex ára aldurs

Vörunúmer: Draumaland ný
7.490kr
Magn:
 

Arna Skúladóttir, sem er frumkvöðull á sínu sviði, sendi frá sér bókina Draumland, svefn og svefnvenjur barna frá fæðingu til tveggja ára árið 2006 og hefur hún átt miklum vinsældum að fagna hér heima æ síðan, einnig hefur hún verið þýdd á fjölmörg tungumál. Nýja bókin, Draumaland frá fæðingu til sex ára aldurs byggir á þeirri góðu bók, en er mun yfirgripsmeiri og ítarlegri en sú fyrri.

Arna er hjúkrunarfræðingur og sérfræðingur í barnahjúkrun með svefn og svefnvandamál sem undirsérgrein. Hún starfar á Barnaspítala Hringsins og hefur tekið á móti þúsundum barna og foreldra sem leitað hafa til hennar með margvísleg svefnvandamál og fyrirspurnir.

 

Svefn er ekki afmarkaður þáttur í lífi barna, heldur er hann samofinn hlutum eins og næringu, þroska og persónuleika. Í Draumalandi leiðir Arna Skúladóttir okkur inn í heim barnsins og skoðar hann í ljósi svefnsins. Hún fjallar á einkar hagnýtan hátt um margvísleg hlutverk foreldra, leiðir að bættum svefnvenjum, lundarfar barna, sjálfseflingu og hvernig hægt er að leysa svefnvandamál barna.

„Ég hef ekki tölu yfir það hversu oft ég hef flett upp í Draumalandi fyrir 0-2 ára í leit að ráðum og ber bókin þess svo sannarlega merki. Ómetanleg hjálp fyrir foreldra.“

Kristín Helga Bergsveinsdóttir, móðir

 

„Mér er sönn ánægja að mæla með þessari bók . Arna Skúladóttir hefur unnið mikið frumkvöðlastarf á sviði svefns og svefnvandamál barna. – Nauðsynleg bók fyrir fagfólk og uppalendur.“

Ragnar Bjarnason, yfirlæknir barnalækninga Barnaspítala