Form fix púðinn án áklæðis

Athugið að þetta er púðinn sjálfur – án áklæðis.

Dásamlegi Form fix púðinn sem býður upp á marga notkunarmöguleika.

Fullkominn til að sofa með á meðgöngu og býður upp á margar mismunandi stöður við brjóstagjöf/pelagjöf, 

Þá er einnig hægt að bæta við hinu svokallaða Sit Fix áklæði og útbúa pullu eða hreiður úr púðanum.

Lengd púðans endanna á milli er 185 cm. 

Fyllingin í Form fix púðanum er gerð úr agnarsmáum hvítum kúlum, sem fylltar eru af lofti. Þegar fargi léttir af þeim, tútna þær út að nýju og því heldur púðinn sér mjög vel. 

Form fix púðinn er skeifulaga en er einnig lipur og sveigjanlegur, svo hægt er að rétta þægilega úr honum. Ástæðan fyrir lipurðinni er teygja sem staðsett er í sveigju púðans.

Vegna lögunarinnar, aðlagast púðinn að útlínum líkamans og í raun og veru faðmar mann!

Form fix púðinn er tilvalinn til að liggja með, þar sem hann leggst að líkamanum og veitir góðan stuðning, við bak, maga og mjaðmagrindina. Gott ráð er að staðsetja hann á milli fótanna, við hnén, þá er mjaðmagrindin bein í réttri stöðu, ásamt því að gefa stuðning við bak og/eða magasvæði.

Fyllingin í Form fix púðanum er sérstök, en hún er gerð úr fyrsta flokks EPS perlum (polystyrene) sem eru fylltar af lofti. Perlurnar eru svo agnarsmáar að fyllingin virðist sem ein heild. Þegar farg kemur á púðann, raðast perlurnar þétt hver við aðra, en þær aflagast ekki. En þaðan kemur einmitt nafnið: Form fix.

Fylling púðans heldur jöfnu hitastigi jafnvel þótt púðinn liggi þétt að líkamanum.

Þar sem Form fix púðinn er sérstaklega stór, býður hann upp á margar mismunandi stöður við brjóstagjöf/pelagjöf. Bæði barnið og sá sem gefur barninu geta fengið notalegan og góðan stuðning af púðanum.

Efnin sem notuð eru í Form fix púðann eru vottuð samkvæmt OEKO-TEX staðlinum og því fullkomlega örugg fyrir þig og barnið.

Púðinn sjálfur kemur einn og sér, en hægt er að fá áklæði í öllum regnbogans litum. Flest áklæðin eru tvískipt, önnur hliðin er gerð úr teygjanlegri bómull og hin úr frotte efni. Þannig má snúa púðanum á hvora hlið fyrir sig – svalari eða hlýrri hlið. Einnig býr frotte áferðin yfir betra gripi, bæði þegar legið er með púðann sem og við brjóstagjöf/pelagjöf.

Til að skipta um áklæði er þægilegast að láta perlufyllinguna safnast saman í öðrum enda púðans. Síðan er áklæðinu rennt upp á “tóma endann”, því næst skal jafna úr fyllingunni yfir púðann, rennilásnum lokað og Voilá! áklæðið komið á púðann.

Form fix púðinn heldur sér einstaklega vel og hefur margskonar notkunarmöguleika. Oft er púðinn notaður í fyrsta skipti á meðgöngunni, svo fylgir hann með yfir í brjóstagjöf/pelagjöf. 

Einnig er mögulegt að útbúa einskonar hreiður eða sæti fyrir barnið, með því að klæða púðann í Sit fix áklæði. 

Þegar barnið stækkar, má einnig nýta púðann ásamt Sit fix áklæðinu sem pullu.

Form fix púðinn hentar öllum aldri og hann er til dæmis fullkominn til að hvíla axlir og handleggi, nýtist vel við hannyrðir, tölvuvinnu og svo er hann er líka voða notalegur í kósý upp í sófa ?

Form fix púðinn er of stór fyrir flestar þvottavélar. En hins vegar má þvo hann og er þá tilvalið að skella honum í bað eða sturtu. Nota skal fljótandi þvottaefni og láta svo þorna vel eftir skolun. Sé það mögulegt, reynist vel að leggja púðann til þerris út undir bert loft og leyfa ferskri golunni að leika um hann. Gott að hreyfa við og hrista upp í púðanum og hann þornar á skammri stundu.

Fóður: 100% bómull. 

Fylling: EPS perlur (polystyrene).

Efni vottuð samkvæmt OEKO-TEX staðlinum.